मडगाव: वार्का येथे धोकायक जागेत पॅरासेलिंग करणाऱ्या ‘त्या’ व्यावसायिकाचा परवाना शेवटी पर्यटन खात्याने रद्द केला. मागच्या शुकवारी माड असलेल्या जागेत पॅरासेलिंग करत असताना पॅराशूट माडाच्या झावळात अडकल्यामुळे अपघात घडला होता.

सदर घटनेमुळे असुरक्षित पॅरासेलिंग व्यवसायाचा मुद्दा पुन्हा चर्चेत आला होता. या घटनेची गंभीर दखल पर्यटन खात्याने घेतली आणि ‘त्या’ वॉटर स्पोर्टस्‌ ऑपरेटरला काम बंद ठेवण्याचा आदेश दिला, अशी माहिती पर्यटन खात्याचे उपसंचालक राजेश काळे यांनी दिली.

पर्यटनमंत्री रोहन खंवटे यांनीही या घटनेची गंभीर दखल घेतली आणि शुक्रवारी तातडीने वॉटर स्पोर्टस्‌ ऑपरेटर्सची संयुक्त बैठक घेतली. पर्यटकांच्या सुरक्षेबाबत काळजी घेण्याची आणि सुरक्षित उपक्रम हाती घेण्याचे निर्देश त्यांनी बैठकीत संबंधितांना दिले.

पर्यटनमंत्री रोहन खंवटे यांनी या प्रकरणाची गंभीर दखल घेऊन तातडीची बैठक घेतली. तसेच ‘त्या’ वॉटर स्‍पोर्टस्‌ ऑपरेटरला कुठलेही काम करण्यास मनाई केली आहे. पॅरासेलिंग अडकण्याची घटना पर्यटन विभागाने निर्देशित करून दिलेला जागेबाहेर घडली आहे.

- राजेश काळे, दरम्यान, उपसंचालक (पर्यटन खाते)