पेडणे: केरी येथे पॅराग्लायडिंग करताना दोघांचा मृत्यू झाल्याची घटना जानेवारीत उघडकीस आली होती. या घटनेनंतर राज्यात सुरु असलेल्या पॅराग्लायडिंगवर पर्यटन खात्याने तात्पुरती बंदी घातली आहे. दरम्यान, बंदी असताना देखील पॅराग्लायडिंग करणाऱ्या महाराष्ट्रातील पर्यटकांवर गोवा पोलिसांनी शनिवारी (२२ मार्च) कारवाई केली आहे.
किनारी पोलिस निरीक्षक विक्रम नाईक आणि त्यांच्या टीमने ही कारवाई केली आहे. केरी येथे आठजण अवैधपणे पॅराग्लायडिंग करत असल्याचे पोलिसांच्या निदर्शनास आले. पोलिसांनी तात्काळ घटनास्थळी दाखल होत, विनापरवाना सुरु असलेले पॅराग्लायडिंग बंद पाडले. संबधित लोक पॅराग्लायडिंगसाठी पुणे व महाराष्ट्रातील इतर भागातून गोव्यात आले होते, अशी माहिती मिळाली आहे.
दरम्यान, जानेवारीत केरी येथे पॅराग्लायडिंग करताना दोर तुटल्याने पुण्यातील एक तरुणी आणि पायलटचा मृत्यू झाला होता. चौकशीदरम्यान अपघात झाला त्या परिसरात अवैधपणे पॅराग्लायडिंग व्यवसाय सुरु असल्याचे समोर आले होते. पर्यटन खात्याने याची गंभीर दखल घेत राज्यातील पॅराग्लायडिंग व्यवसायावर तात्पुरती बंदी घातलीय.
केरी येथे पॅराग्लायडिंग करताना अचानक दोरी तुटल्यामुळे पुणे येथील पर्यटक युवती शिवानी दाभळे (वय २६ वर्षे) आणि त्याच पॅराग्लायडरचा पायलट सुमन नेपाळी (वय २५ वर्षे) हे दोघे ठार झाले होते. या घटनेनंतर हरमल तसेच केरी भागात बेकायदेशीररित्या पॅराग्लायडिंगचा व्यवसाय सुरु असल्याचे उघडकीस आले होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.