वाळपई, दशावतार नाटक हा कोकणाचा श्वास आहे. अनादी काळापासून ही कला रसिक प्रेक्षकांनी जोपासून ठेवलेली आहे. ही कला जोपासण्यास सत्तरी तालुक्याचेही मोठे योगदान आहे. सत्तरी तालुक्यात दशावतारी नाटके आजही अधिराज करून आहेत.
या प्रत्येक नाटकात मनोरंजनाबरोबरच लोकांना सामाजिक संदेशही दिला जातो. भक्ती महिमा नारद पात्रातून अभंगवाणीतून सांगितली जाते. असेच एक सामाजिक संदेश देणारे नाटक धावे तार येथे नुकतेच झाले.
धावे तार येथे नागदेवता मंदिर स्थापना दिनानिमित्त देवेंद्र नाईक प्रस्तुत चेंदवणकर नाईक दशावतार नाट्यमंडळ चेंदवण यांचा अजिंक्यमणी या नाटकाचा प्रयोग सादर झाला. त्यात कलाकारांनी बहारदार भूमिका करीत प्रेक्षकांना खिळवून ठेवले. त्यात अनेक विनोदी प्रसंगही होते. भाव अंतरीचे हळवे या गीतावरही प्रेक्षकांनी भरभरून प्रेम केले.
मुलांवर लक्ष ठेवण्याचा संदेश
या नाटकात मनोरंजन झालेच बरोबरच सामाजिक संदेशही लोकांना देण्यात आला. अजिंक्यमणी प्राप्तीसाठी चाललेली खटाटोप हे दाखविण्यात आले. आई वडिलांनी मुलांवर कसे लक्ष ठेवावे हे सांगण्यात आले. आपल्या मुलांवर सतत लक्ष केंद्रित ठेवण्याचा संदेश नाटकातून देण्यात आला.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.