Valpoi : वाळपई येथे रात्री ८ च्या सुमारास एका युवकाने कोपार्डे सत्तरी येथील श्रीपाद सावंत यांच्यावर चाकुने वार केल्याची घटना घडला. जखमी झालेल्यार श्रीपाद याच्यांवर उपचार करुन त्यांना घरी पाठविण्यात आले आहे. याप्रकरणाचा पोलिस तपास करीत आहेत.

पोलिसांनी दिलेल्या माहितीनुसार, कोपार्डे येथील प्रितेश गावस हे वाळपई वरुन कोपार्डे येथे जात होते. यावेळी वेळुस हनुमान विद्यालयाजवळ समोरुन येणाऱ्या चारचाकी वाहनाने त्याला ठोकर दिली आणि पळ काढण्याचा प्रयत्न केला.

तेव्हा श्रीपाद यांनी संशयित रहीम खान याला अडविले आणि विचारणा केली. त्यावेळी गाडीत आणखीन तीघे बसले जण होते. त्यानंतर दोघांमध्ये बाचाबाची झाली. त्यात श्रीपाद यांनी प्रितेश याच्या गाडीचे नुकसान झाले आहे, ते दे आणि नंतर जा असे सांगितले. त्यावर संशयित अंगावर धावुन गेला.

त्यानंतर त्यांनी श्रीपादवर चाकूने हल्ला केला. यावेळी मोठ्या संख्येने नागरिक जमा झाले. पोलिस घटनास्थळी दाखल झाल्यानंतर त्यांनी चाैघांना पोलिस स्थानकांत नेले. यावेळी मोठ्या संख्येंनी नागरिकांची उपस्थिती होती. रहीम हा तरुण वाळपई सय्यदनगर येथील रहिवासी आहे.