Sagar Parikrama Yatra Phase V - 2023 Baina, Desterro Goa: सागर परिक्रमा कार्यक्रम 2023 (पाचवे चरण) अंतर्गत केंद्रीय मत्स्यव्यवसाय, पशुसंवर्धन व दुग्धव्यवसाय मंत्री परशोत्तम रूपाला यांनी आज वास्को येथून तिसऱ्या दिवसाची सुरूवात केली. यावेळी त्यांनी मच्छिमार आणि इतर संबंधितांसोबत संवाद साधला तसेच, त्यांच्या विविध समस्यांचे निराकरण करण्यात आले.

दुरावस्था झालेल्या वास्को जेट्टीची रूपाला यांनी दखल घेत, त्याची दुरूस्ती करण्याची सुचना अधिकाऱ्यांना देण्यात आली.

केंद्र सरकारच्या 'सागर परिक्रमा' योजनेचा पाचवा टप्पा बुधवारपासून सुरू झाला आहे. महाराष्ट्र आणि गोव्यातील किनारी जिल्ह्यांना या योजनेच्या कक्षेत आणणे आणि मच्छिमार आणि इतर संबंधितांच्या विविध समस्यांचे निराकरण करून विविध योजनांद्वारे त्यांची आर्थिक उन्नती सुलभ करणे हे सरकारचे उद्दिष्ट आहे.

मत्स्यव्यवसाय, पशुसंवर्धन आणि दुग्धव्यवसाय मंत्रालयाच्या म्हणण्यानुसार, 'सागर परिक्रमा' कार्यक्रमाचा पाचव्या टप्प्यात महाराष्ट्र आणि गोव्यातील सहा ठिकाणांचा समावेश आहे.

'सागर परिक्रमा' कार्यक्रमाचा पाचवा टप्पा 17 मे रोजी महाराष्ट्रातील रायगड येथून सुरू झाला आहे. या कार्यक्रमाअंतर्गत महाराष्ट्रातील रत्नागिरी आणि सिंधुदुर्ग जिल्हे आणि गोव्यातील वास्को, मुरगाव आणि काणकोण या जिल्ह्यांचा समावेश आहे.

या तीन दिवसीय भेटीदरम्यान, प्रगतीशील मच्छिमारांना, विशेषत: किनारपट्टीवरील मच्छिमारांना प्रधानमंत्री मत्स्य संपदा योजना (PMMSY), किसान क्रेडिट कार्ड आणि राज्य योजनांशी संबंधित प्रमाणपत्रे/पोचवती देण्यात आली.

720 किमीच्या विस्तृत किनारपट्टीसह महाराष्ट्रामध्ये सागरी मत्स्यपालनामध्ये प्रचंड क्षमता आहे, ज्याचा राज्याच्या मत्स्य उत्पादनात 82 टक्के वाटा आहे. या कार्यक्रमात केंद्रीय मत्स्यव्यवसाय, पशुसंवर्धन आणि दुग्धव्यवसाय मंत्री पुरुषोत्तम रुपाला आणि विविध सरकारी संस्था आणि संस्थांचे अधिकारी सहभागी होतील, असे अधिकृत निवेदनात म्हटले आहे.

गुजरात, दमण आणि दीव, महाराष्ट्र आणि कर्नाटकमधील 19 ठिकाणी यशस्वीरित्या चार टप्पे पूर्ण केल्यानंतर या महत्त्वपूर्ण उपक्रमाला सर्व भागधारकांकडून पाठिंबा मिळत आहे.