Risky Bike Stunts In Goa: बाईकवरून धोकादायक स्टंट केल्याप्रकरणी वेर्णा, म्हापसा आणि कुडचडे येथून पाच जणांना अटक करण्यात आली आहे. हे तरूण बाईकवरून जीवघेणे स्टंट करत स्वत: आणि इतरांचा जीव धोक्यात घालत होते. पोलिसांनी तरूणांकडून त्यांच्या बाईक देखील जप्त केल्या आहेत.
(Five arrested for performing risky bike stunts in Verna, Mapusa And Curchorem)
वेर्णा पोलिसांनी औद्योगिक वसाहतीत आयएफबी प्लान्टजवळ दुचाकीवरून स्टंट करताना सुफियान डिंगर (वय 22, केपे), साहिल बांदोडकर (वय 25, रा. कुडचडे), लिएंडर कुतिन्हो (वय 20) यांना वेर्णा पोलिसांनी अटक केली आहे. पोलिसांनी त्यांच्याकडून निन्जा, केटीएम ड्यूक आणि केटीएम आरसी या तीन दुचाकी जप्त केल्या आहेत.
म्हापसा पोलिसांनी सार्वजनिक रस्त्यावर दुचाकीवरून स्टंट केल्याप्रकरणी यासिन मुल्ला (वय 20) याला अटक केली आहे. तसेच, कुडचडे येथे एका युवकाला बाईकवरून स्टंट केल्याप्रकरणी अटक केलीय.
असे एकूण पाच जणांना जीवघेणे स्टंट करत इतरांचा जीव धोक्यात घातल्याप्रकरणी वेर्णा, म्हापसा आणि कुडचडे येथून अटक कलीय. पोलिस अधिक तपास करत आहेत.
दरम्यान, वेर्णा, म्हापसा आणि कुडचडे येथे सार्वजनिक रस्त्यावर काही तरूण धोकादायक पद्धतीने स्टंट करत होते. याप्रकरणी व्हिडिओ देखील समोर आले होते. पोलिसांनी तात्काळ याची दखल घेत, कारवाई केली आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.