एकीकडे पावसाचे थैमान आणि दुसरीकडे कोरोनाचा संसर्ग वाढतच आहे. कोरोनामुळे आज दोन रुग्णांचा मृत्यू झाला असून अधिकच्या उपचारासाठी सात जणांना रुग्णालयात दाखल केले आहे. ही गंभीर बाब आहे. गेल्या 24 तासांत 112 नवे बाधित सापडले असून संक्रमण दर 8.58 इतका झाला आहे. राज्यात गेल्या महिन्याभरापासून कोविड बाधितांच्या प्रमाण वाढतच आहे. सध्या एकूण बधितांची संख्या 882 झाली आहे. तसेच आज 191 जण कोविडमुक्त झाले आहेत. (Two victims of corona in Goa; 112 new patients )

साथीचे आजार टाळण्यासाठी काळजी घेणे अत्यावश्यक

गोवा राज्यात गेल्या काही दिवसातील पावसाची मुसळधार पाहता राज्यातील नागरिकांचे जनजीवन विस्कळीत झाले आहे. या बरोबर पावसाचे पाणी साठून राहील्याने डेंग्यू सारख्या साथ ही फैलावण्याची शक्यता आहे. त्यामूळे नागरिकांनी सतर्क राहात आरोग्याची काळजी घेणे आवश्यक आहे.

गोव्यातील अनेक भागात एकाचवेळी तीस ते चाळीस डेंग्यूचे रुग्ण सापडल्याच्या घटना ताज्या आहेत. त्यामूळे हा धोका टाळण्यासाठी नागरिकांनी कोरोना आणि डेंग्यू सारखे पावसाळ्यासोबत येणारे साथीचे आजार टाळण्यासाठी काळजी घेणे अत्यावश्यक बनले आहे.

बेकायदेशीर चिरेखाणीत अडकला ट्रक

केपे : मिराबाग सावर्डे येथे बऱ्याच बेकायदेशीर चिरे काढण्याचा व्यवसाय चालतो या साठी कोणती ही शासकिय यंत्रणा, पर्यावरण विभाग यांची परवानगी नाही. केवळ व्यक्तीगत अर्थिक हीताने काही व्यक्ती यासाठी असे मार्ग अवलंबत आहेत. या पार्श्वभूमीवर आज दुपारी चिरे नेण्यासाठी आलेला ट्रक चिरे भरताना अचानक पाणी आल्याने पाण्याखाली गेला.