हरमल: खालचावाडा-हरमल येथील व्यावसायिक तथा माजी सरपंच इनासियो डिसोझा यांच्या निवासस्थानाजवळील गेस्ट हाऊसवर आंब्याचा वृक्ष कोसळून पडल्याने सुमारे एक लाखाचे नुकसान झाले. पेडणे अग्निशमन दलाच्या जवानांनी झाड कापून काढले.

काल दुपारी एकच्या सुमारास सुमारे शंभर वर्षे जुने आंब्याचे हे झाड उन्मळून पडले. त्या भल्या झाडाने तीन माड धारातीर्थी पडल्‍याने गेस्ट हाऊसच्या छप्‍पर तसेच भिंत कोसळून एक लाखाचे नुकसान झाले. त्‍याचवेळी जेवणासाठी सुदैवाने दोघेजण बाहेर गेल्‍याने ते बचावले.

दरम्यान, खालचावाडा भागात आणखीन तीन-चार वृक्ष धोकादायक स्थितीत आहे. भाटकार झाडे कापण्यास देत नसल्याने आम्हाला नुकसान सोसावे लागते. यास जबाबदार कोण? असा सवाल डिसोझा यांनी केला.