Manohar International Airport : मोपा विमानतळावर 160 टॅक्सींसह ब्लू टॅक्सी सेवा लवकरच सुरु करण्यात येणार आहे. तसेच टॅक्सी चालकांना प्रशिक्षण देण्यात येणार असल्याची माहिती वाहतूक मंत्री माविन गुदिन्हो यांनी दिली.

गोव्यातील टॅक्सी पात्राव योजना, माझी बस योजनेचे केंद्रीय वाहतूक मंत्री नितीन गडकरी यांनी कौतूक केले आहे. या योजनेबाबत सविस्तर लवकरच मंत्री गडकरींशी चर्चा करणार आहे. तसेच ही योजना अन्य ठिकाणी लागू करणार असल्याचे मंत्री गडकरींनी सांगितल्याचे गुदिन्हो यांनी सांगितले.

सरकारने अधिसूचित केलेल्या दरांपेक्षा गोवा माईल्स टॅक्सीच्या दरांत 15 ते 20 टक्के घट करण्यात आली आहे. त्यामुळे प्रवासी या टॅक्सी सेवेकडे वळत आहेत. गोव्याचा टॅक्सी पात्राव योजनेअंतर्गत पेडणेतील स्थानिक युवक कठोर परिश्रम करत टॅक्सी चालवून 50 ते 70 हजार रुपये महिना कमाई करीत आहेत. गोवेकार सुशेगात नसून गोव्यातील युवक हे कठोर परिश्रम करीत आहेत.

मोपा विमानतळावर 160 टॅक्सींसह ब्लू टॅक्सी सेवा लवकरच सुरु करण्यात येणार आहे. ते प्रीपेड टॅक्सीनुसार दर आकारणार आहेत. त्यांना ऍप बेस टॅक्सी सेवा सुरु करण्याचे मुभा आहे.

टॅक्सी चालकांना दोन आठवड्यांचे प्रशिक्षण देण्यात येणार आहे. ट्राफिक सिग्नल्स, पर्यटक प्रवाशांशी कसे वागावे याचे प्रशिक्षण देण्यात येणार आहे. हे दोन आठवड्यांचे प्रशिक्षण निशुल्क व बंधनकारक आहे.

केंद्रीय वाहतूक मंत्री नितीन गडकरी यांच्याशी गोव्यातील टॅक्सी पात्राव योजना, माझी बस योजने बाबत चर्चा केली. यावेळी केंद्रीय मंत्री गडकरी यांनी या योजनेचे कौतूक केले असून लवकरच या योजने बाबत सविस्तर चर्चा करुन ही योजना इतर ठिकाणी अवलंबणार असल्याचे केंद्रीय मंत्री गडकरी यांनी सांगितल्याचे मंत्री गुदिन्हो यांनी सांगितले.