Bicholim Accident News: डिचोलीतून एक भीषण अपघाताची घटना समोर आली आहे. शनिवारी मध्यरात्री हा अपघात झाला. डिचोलीतील बगलमार्गावर (Bypass Road) व्हाळशी जंक्शनजवळ (Vhalshi Junction) झालेल्या या अपघातात कर्नाटकमधील तीन प्रवासी गंभीर जखमी झाले आहेत.

मिळालेल्या माहितीनुसार, एक जीपगाडी (Jeep) डिचोलीच्या बगलमार्गावरुन वेगाने जात होती. व्हाळशी जंक्शनजवळ आल्यावर चालकाचे गाडीवरील नियंत्रण सुटले. नियंत्रण सुटल्यामुळे गाडी भरकटली आणि रस्त्याच्या कडेला असलेल्या एका मोठ्या झाडाला जाऊन धडकली. धडक इतकी जोरदार होती की, जीपगाडीचे समोरील मोठे नुकसान झाले आणि गाडीचा चक्काचूर झाला.

अपघाताची माहिती मिळताच स्थानिक नागरिकांनी आणि डिचोली पोलिसांनी तातडीने घटनास्थळी धाव घेतली. जीपगाडीत अडकलेल्या तिन्ही जखमींना त्वरीत बाहेर काढण्यात आले आणि त्यांना उपचारासाठी जवळच्या रुग्णालयात (Hospital) दाखल करण्यात आले. तिन्ही जखमी व्यक्ती कर्नाटक राज्यातील रहिवासी असून त्यांची प्रकृती चिंताजनक असल्याचे सांगण्यात येत आहे. त्यांच्यावर सध्या उपचार सुरु आहेत.

डिचोली पोलिसांनी या अपघाताची (Accident) नोंद घेतली असून अपघातामागचे नेमके कारण काय होते? वाहन चालवताना अतिवेग होता की चालकाला झोप लागली होती? याचा अधिक तपास पोलीस करत आहेत. या अपघातामुळे डिचोली बगलमार्गावर काही काळ वाहतुकीला अडथळा निर्माण झाला होता.