Dabolim: कोविड महामारीच्या फटक्यानंतर राज्याच्या पर्यटन (Tourism) व्यवसायास पूरक ठरेल अशी आशा निर्माण झाली आहे. आज बुधवार15 डिसेंबरला सकाळी पहिल्या चार्टर विमानाचे (Charter Plane) आगमन दाबोळी (Dabolim) विमानतळावर झाले आहे. विमानतळ संचालक गगन मलीक यांनी या वृत्तास दुजोरा दिला आहे.

‘एअर अस्ताना’ हे चार्टर विमान अलमाटी कझाकिस्तान (Kazakhstan) येथून उद्या गोव्यात दाखल होत आहे. 159 प्रवाशांना घेऊन सकाळी 7 वाजता ते दाबोळी विमानतळावर उतरले. या पहिल्या चार्टर विमानातील प्रवाशांच्या स्वागतासाठी आम्ही एका छोटेखानी कार्यक्रमाचे आयोजन केले, असे मलीक यांनी सांगितले.

गोवा ही राज्य विदेशी पर्यटकांच्या अत्यंत आवडीचे ठिकाण आहे. कोरोनामुळे (Covid19) या पर्यटनाला कुठेतरी ब्रेक लागला होता. पण हळूहळू आता पुन्हा एकदा गोवा राज्य पर्यटनाला नव्याने उभारी मिळत आहे. त्याचीच सुरुवात म्हणजे पर्यटन हंगामातील हे पहिले विमान आज गोव्यात दाखल झाले आहे.