मडगाव : बोर्डा मडगाव येथे आपली गाडी पार्क करून रस्ता ओलांडणाऱ्या जोर्डाव आल्मेदा या 70 वर्षीय ज्येष्ठ नागरिकाला समोरून येणाऱ्या वाहनाने धडक देऊन नंतर तिथून पळ काढला.

ज्येष्ठ नागरिक जखमी अवस्थेत रस्त्यावर पडलेला असताना त्याला हॉस्पिटलमध्ये (Hospital) दाखल करण्याचे सौजन्यही त्या वाहन चालकाने दाखवले नाही.

रस्त्यावरील बघ्यांनी त्यांना हॉस्पिटलमध्ये दाखल केले. हा अपघात (accident) नेमक्या कोणत्या वाहनाने केला याचा शोध फातोर्डा पोलीस घेत आहेत.

दरम्यान, आज रावणफोंड येथे स्कुटर आणि व्हॅन यांच्यात झालेल्या अपघातात एक जखमी झाला. यावेळी या वाहनांची धडक रस्त्यावर पार्क करून ठेवलेल्या अन्य दोन गाड्यांना बसल्याने त्यांचेही मोठे नुकसान झाले.