Girish Chodankar: बहुजन समाजाला आजही राज्यातील मंदिरांमध्ये (गर्भगृह) प्रवेश करण्यापासून वंचित ठेवले जाते, अशी खंत व्यक्त करून गोवा प्रदेश कॉंग्रेस समितीचे माजी अध्यक्ष गिरीश चोडणकर यांनी शुक्रवारी म्हटले की, मुख्यमंत्री डॉ. प्रमोद सावंत यांनी सनातन धर्माच्या रक्षणासाठी कटिबद्ध असल्यास परिवर्तन घडवून आणण्याचे काम केले पाहिजे.

गोव्यात आपण पाहिले आहे की, ओबीसी, अनुसूचित जमाती, अनुसूचित जाती आणि इतरांचा समावेश असलेल्या बहुजन समाजाला मंदिरात प्रवेशापासून वंचित ठेवले जात आहे. बहुजन समाजाशी भेदभाव केला जात आहे. काँग्रेस सर्व धर्मांचा आदर करते. आता डॉ. सावंत यांनी सनातन धर्माच्या रक्षणास कटिबद्ध असल्यास बहुजन समाजाला मंदिरात प्रवेश द्यावा, असे चोडणकर यांनी पत्रकारांशी बोलताना सांगितले.