Babush Monserrate: सावंत सरकारातील वादग्रस्त मंत्री बाबूश मोंसेरात यांच्यावर दाखल करण्यात आलेला बलात्कार प्रकरणातील खटला महिला न्यायाधीशांच्या न्यायालयात वर्ग करण्यात यावा अशी मागणी सरकारी वकील व्ही. जे. कॉस्टा यांनी आज केली.

2016 साली हे कथीत लैंगिक अत्याचार प्रकरण घडले होते. एका अल्पवयीन मुलीने मोंसेरात यांनी आपल्याला 50 लाख रुपये देऊन विकत घेऊन नंतर आपल्याला गुंगीचे औषध पाजून बलात्कार केल्याचा आरोप केला होता.

राजकारण्यांच्या विरोधात दाखल केलेले खटले हाताळण्यासाठी खास न्यायाधीश म्हणून दक्षिण गोव्याचे प्रधान सत्र न्यायाधीश इर्शाद आगा यांची नियुक्ती केल्याने हा खटला त्यांच्या समोर सुनावणीस आला होता.

सरकारी वकील कोस्टा यांनी कायद्याच्या तरतुदीनुसार बलात्काराची प्रकरणे फक्त महिला न्यायधिश हाताळू शकतात. त्यामुळे हा खटला महिला न्यायाधिशांच्या न्यायालयात वर्ग करावा अशी मागणी केली. या अर्जावर आता 31 मार्च रोजी निवाडा होणार आहे.