जुन्या पाटो येथील पुलानंतर रस्त्यालगतच्या कठड्यावरून एका ५०-५५ वयाच्या महिलेने दुपारी रुअ द ओरेम या खाडीत उडी घेऊन आत्महत्या केली. तिचा मृतदेह तरंगताना आढळून आला.

पोलिसांनी तो बाहेर काढून गोमेकॉच्या शवागारात ठेवला आहे. तिची ओळख पटलेली नाही तसेच रात्री उशिरापर्यंत महिला बेपत्ता असल्याची तक्रार पोलिसांत दाखल झालेली नाही, अशी माहिती पणजी पोलिसांनी दिली.

पोलिसांनी तेथील एका रेस्टॉरंटच्या बाहेरील सीसीटीव्ही फुटेजच्या पाहणीत ही महिला जुन्या पाटो पुलावरून येताना दिसली. नंतर तिने पाण्यात स्वतःला झोकून दिले. एका दुचाकीस्वाराने पोलिसांना घटनेची माहिती दिली. वर्णनावरून ती कर्नाटकची असावी, ओळख पटवण्याचे प्रयत्न सुरू आहेत, असे पणजी पोलिसांनी सांगितले.