वयोवृद्ध भाविकांना मोफत देवदर्शन देणारी गोवा सरकारची मुखमंत्री देव दर्शन योजना पुढील महिन्यापासून पुन्हा सुरू होणार आहे अशी माहिती समाजकल्याणमंत्री सुभाष फळदेसाई यांनी दिली. येत्या अर्थसंकल्पात या योजनेसाठी निधीची तरतूद केल्यानंतर योजनेला पुन्हा प्रारंभ होईल असेही त्यांनी सांगितले.
योजनेसाठी मंजूर करण्यात आलेला निधि खर्च झाल्याने ही योजना सध्या स्थगित ठेवण्यात आली आहे. या योजनेसाठी सुमारे 12 हजारांहून अधिक अर्ज आले असून त्याची छाननी सुरू आहे. या योजनेचा लाभ एकदाच घेता येतो. त्यामुळे दुसऱ्यांदा अर्ज केलेल्यांचे अर्ज बाद ठरवण्यात येणार आहेत.
दरम्यान, ही योजना अगोदर ज्येष्ठ नागरिकांसाठी होती मात्र आता ती ५० वर्षांवरील नागरिकांना त्याचा लाभ घेण्यासाठी उपलब्ध कऱण्यात आली आहे. गेल्या वर्षी नोव्हेंबरमध्ये सुरू करण्यात आलेल्या या योजनेत शिर्डी, तिरुपती व वेलंकणी येथे रेल्वेने मोफत देवदर्शनासाठी नेण्यात आले होते.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.