वास्को: न्यू डाउन आशादीप शाळेच्या विशेष विद्यार्थ्यांनी गुरुवारी रक्षाबंधनानिमित्त मुरगावचे आमदार संकल्प आमोणकर यांना राखी बांधली. रक्षाबंधनाचे अवचित्य साधून हेडलँड सडा येथील न्यू डाऊन आशादीप शाळेच्या सुमारे 20 विशेष विद्यार्थ्यांनी मुरगावचे आमदार संकल्प आमोणकर यांना त्यांच्या सडा मतदार संघ कार्यालयात राखी बांधल्या.

(Special Rakshabandhan by MLA Sankalp Amonkar with special students)

याप्रसंगी आमदार आमोणकर यांनी विशेष मुलांच्या हावभावाने खूप स्पर्श झाला आणि विशेष मुलासोबत हा सण साजरा केल्याचा आनंद मी व्यक्त करू शकत नसल्याचे ते म्हणाले. रक्षाबंधन हेच भावाचे आपल्या बहिणीवरील प्रेमाचे द्योतक आहे.

मला शाळा आणि विशेष मुलांना वैयक्तिक व आमदार या नात्याने सर्वतोपरी मदत करण्याचे आश्वासन देऊन जेव्हा त्यांना माझी गरज भासेल तेव्हा मी शाळेसाठी उपलब्ध असेल असे आमोणकर यांनी सांगितले.

Goa School Merger : सरकारचे खासगी शाळांना प्रोत्‍साहन; आपचा आरोप

‘आप’ने केलेली सूचना सकारात्मकतेने घेण्याऐवजी मुख्यमंत्री डॉ. प्रमोद सावंत आपले सरकार सरकारी शाळा चालवण्यास सक्षम आहे. विरोधकांनी शाळा चालवण्याचे सल्ले देऊ नयेत, असे विधान केले आहे. त्यामुळे गर्वाचे घर खाली असते, हे मुख्यमंत्र्यांनी विसरता कामा नये.

भाजप सरकार असक्षम ठरल्यानेच गेल्या दहा वर्षांत सरकारी शाळांची संख्या घटली आहे. मात्र, या दहा वर्षांत भाजपच्या कार्यकर्त्यांकडून चालवल्या जाणाऱ्या खासगी शाळा भरभराटीला आल्या आहेत, असा टोला आम आदमी पक्षाचे प्रदेशाध्यक्ष ॲड. अमित पालेकर यांनी लगावला आहे.

पक्षाच्या कार्यालयात गुरुवारी झालेल्या पत्रकार परिषदेस सुरेल तिळवे, वाल्मिकी नाईक यांची उपस्थित होती. भाजप सरकार गोव्यातील मुलांच्या भवितव्याशी खेळत आहे. सरकारी शाळा कशा चालवल्या जातात आणि अत्याधुनिक पायाभूत सुविधा कशा प्रदान केल्या जातात हे पाहण्यासाठी, विद्यार्थी, शिक्षक, शिक्षण विभागातील अधिकारी आणि मंत्र्यांचे शिष्टमंडळ दिल्लीत घेऊन जाण्यास आप तयार आहे. त्याचा सर्व खर्च आपच्यावतीने केला जाईल, असाही उपरोधिक टोला ॲड. पालेकर यांनी लगावला आहे.