सोनाली फोगट मृत्यू प्रकरणात न्यायालयाने 'कर्लिस'च्या एडवीन नुनीसचा जामीन अर्ज राखून ठेवला आहे. यावर उद्या बुधवार दिनांक 7 ऑगस्ट रोजी दुपारी सुनावणी होण्याची शक्यता आहे.

(court reserved bail application of edwin nunes of curlis)

मिळालेल्या माहितीनुसार आज हणजूण पोलिसांनी एडवीन नुनीस, रामदास मांद्रेकर आणि दत्तप्रसाद गावकर यांच्या पोलिस कोठडीसाठी आज अर्ज दाखले केला आहे, त्यामूळे न्यायालय यावर काय निर्णय देणार हे पाहणे महत्त्वाचं ठरणार आहे.

सोनाली हत्या प्रकरणात संशयितांच्या कोठडीत वाढ

सुखविंदर पाल सिंग आणि सुधीर सांगवान यांच्या पोलीस कोठडीत आणखी 2 दिवसांची वाढ करण्यात आली आहे. 8 सप्टेंबर रोजी आरोपींना पुन्हा म्हापसा न्यायालयात हजर करण्यात येणार आहे.

दरम्यान,हणजूण पोलिसांनी सांगवान आणि सिंग यांची चार दिवसांची कोठडी मागितली होती, मात्र म्हापसा कोर्टाने दोन दिवसांची पोलिस कोठडी मंजूर केली आहे. याप्रकरणी म्हापसा कोर्टात 8 सप्टेंबर रोजी दुपारी 12 वाजता पुढील सुनावणी होणार असून दोन्ही आरोपींना पुन्हा कोर्टात हजर केलं जाणार आहे.