Shigmotsav Mandrem Goa Tourism

हरमल: गोवा पर्यटन खाते व मांद्रे येथील उदरगत संस्थेच्या संयुक्त विद्यमाने शिमगोत्सव उत्सव २७ ते २९ मार्च पर्यंत मांद्रे पंचायत परिसरात होणार आहे. यंदा शिगमोत्सव तीन दिवस उत्सव असून, संध्या ५ ते रात्री १२ पर्यंत कार्यक्रमाचे आयोजन केले आहे.

यंदा विख्यात गायक मंजुषा पाटील व विश्वजित बोरवणकर यांच्या गायनाचा कार्यक्रम गुरुवार २७ रोजी संध्या ७ वा पंचायत मैदानावर आयोजन केल्याचे समजते. यात चित्ररथ, रोमटामेळ,वेशभूषा आदी स्पर्धांचे आयोजन केले आहे.

दीपोत्सव स्पर्धेतील विजेत्यांना बक्षिस वितरण होईल. यंदाचा बक्षीस वितरण वेगळ्या पद्धतीने साजरा होणार असून, मोठे सेलिब्रिटी नसून मतदारसंघातील जेष्ठ व वयस्कर व्यक्तींच्या हस्ते होणार आहे.

यावेळी शिगमोत्सव आयोजनासाठी विविध स्पर्धा व विविध समित्यांची निवड करण्यात आली. यावेळी मांद्रे सरपंच राजेश मांद्रेकर, पंच रॉबर्ट फर्नांडिस, माजी सरपंच सुभाष असोलकर, मोरजीचे प्रसन्नकुमार शेटगावकर, हरमल सरपंच अनुपमा मयेकर, पंच भिकाजी नाईक, पार्सेचे पंच अजित मोरजकर, पालयेचे पंच सागर तीळवे, निवृत शिक्षक दयानंद मांद्रेकर उपस्थित होते. स्वागत व निवेदन सूरज नाईक यांनी केले.