रविवारी दवर्ली, कुठ्ठाळी येथे होणाऱ्या जिल्हा पंचायत पोटनिवडणुकीच्या पार्श्वभूमीवर दक्षिण गोव्याचे जिल्हा दंडाधिकारी ज्योती कुमारी यांनी आज कलम 144 अंतर्गत प्रतिबंधात्मक आदेश जारी केले आहेत. त्यामूळे मतदान केंद्रे तसेच परिसरातील सर्व रेस्टॉरंट्स, बार, चहाची दुकाने यांना मर्यादा पाळत आपले व्यवसाय सुरु ठेवता येणार आहेत. हे आदेश मतदान आणि मतमोजणी या दिवशी लागु असणार आहेत.

(Section 144 imposed in Davorlim, Cortalim for zilla panchayat bypolls)

दंडाधिकाऱ्यांनी दिलेल्या आदेशात म्हटले आहे की, दवर्ली आणि कुठ्ठाळी जिल्हा पंचायत मतदारसंघातील मतदान केंद्राच्या 200 मीटर परिसरात असलेली सर्व रेस्टॉरंट्स, बार, चहाची दुकाने, पान दुकाने, भोजनालये आणि इतर खाद्यपदार्थांची दुकाने मतदानाच्या दिवशी म्हणजे 16 ऑक्टोबर रोजी सकाळी 6 ते 6 या वेळेत बंद राहतील.

5 पेक्षा जास्त व्यक्ती एकत्र येण्यास बंदी

संध्याकाळी 6 वा. मतमोजणी केंद्राच्या 200 मीटर परिसरात असलेल्या अशा सर्व युनिट्सनाही मतमोजणीच्या दिवशी म्हणजेच 18 ऑक्टोबर रोजी बंद ठेवण्याचे आदेश देण्यात आले आहेत. दोन्ही जिल्हा पंचायत मतदारसंघांच्या हद्दीतील मतदान केंद्रांच्या 200 मीटरच्या आत 5 पेक्षा जास्त व्यक्ती एकत्र येण्यास किंवा गर्दी करण्यास बंदी घालण्यात आली आहे.