Sattari SSC Result :

वाळपई, सत्तरी तालुक्‍यानेही दहावीच्‍या परीक्षेत उज्ज्‍वल यश संपादन केले आहे. एकूण सात सरकारी माध्यमिक विद्यालयाचा निकाल १०० टक्के लागला. तर, एका खासगी शाळेचा निकाल सलग सहा वेळा १०० टक्के निकाल लागला.

सत्तरीतून एकूण ६०५ विद्यार्थी परीक्षेला बसले होते, त्यातील ५४८ उत्तीर्ण झाले. तालुक्‍याचा सरासरी एकूण ९०.५७ टक्के निकाल लागला.

गुळेली, अडवई, पिसुर्ले, मोर्ले, दाबे, सावर्डे, सुर्ला या सरकारी विद्यालयांचा निकाल १०० टक्के लागला. त्यात केरी येथील विवेकानंद ज्ञानमंदिर विद्यालयाने सलग सहावेळा तर दाबे येथील सरकारी माध्यमिक विद्यालयाने सगल चारवेळा १०० टक्के निकालाची परंपरा कायम राखली. विवेकानंद ज्ञानमंदिर विद्यालयातून एकूण ३३ मुले परीक्षेला बसली होती.

त्यात ९ विशेष श्रेणीत, १० प्रथम श्रेणीत तर १४ द्वितीय श्रेणीत उत्तीर्ण झाली. मुख्याध्यापक गोपीनाथ गावस व शिक्षकांनी यशवंत विद्यार्थ्यांचे अभिनंदन केले आहे. दरम्‍यान, आरोग्यमंत्री विश्‍‍वजीत राणे व आमदार डॉ. दिव्या राणे यांनीही दहावीत उत्तीर्ण झालेल्‍या सर्व विद्यार्थ्यांचे अभिनंदन केले आहे.