Mumbai Goa Highway Traffic: मुंबई-गोवा महामार्गावर वाहतूक कोंडी; झाड कोसळल्याने खोळंबा!

Mumbai Goa Highway Traffic: महाराष्ट्रात मागील दिवसांपासून अवकाळी पावसाने धडाका लावला आहे. मुंबईसह राज्यातील अनेक शहरांना पावसाने झोडपून काढले आहे. पावसामुळे राज्यात अनेक ठिकाणी जीवतहानीसह मोठ्याप्रमाणात वित्तहानीही झाली. वादळी पावसामुळे अनेक शहरांमध्ये मोठ्या प्रमाणात वाहतूक कोंडीही पाहायला मिळाली. यातच आता, पावसामुळे पुन्हा एकदा मुंबई-गोवा महामार्गावरील वाहतुकीला फटका बसला आहे.

दरम्यान, रायगडमधील माणगावमध्ये झालेल्या वादळी पावसाने मुंबई-गोवा महामार्गावर मोठी वाहतूक कोंडी झाली आहे. चाकरमान्यांना मोठ्या त्रासाचा सामना करावा लागतोय. माणगाव रेल्वे स्टेशनजवळ मुंबई-गोवा महामार्गावर मोठे झाडे पडले. त्यामुळे महामार्गावरील दोन्ही बाजूकडील वाहतूक ठप्प झाली. बचाव पथक घटनास्थळी दाखल झाले आहे. पथकाने तात्काळ महामार्गावरील पडलेले झाड हटवण्याचे कामही सुरु केले आहे. अचानक आलेल्या पावसाने सगळ्यांची कोंडी केली.

काही दिवसांपूर्वी सलग आलेल्या सुट्ट्यांमुळे मुंबईकर बाहेर पडले होते. त्यावेळीही मुंबई-गोवा महामार्गावर मोठी वाहतूक कोंडी पाहायला मिळाली होती. प्रवाशांना मोठ्या वाहतूक कोंडीचा सामना करावा लागला होता. महामार्गावर वाहनांच्या लांबच लांब रांगा लागल्या होत्या. पर्यटनासाठी बाहेर पडलेल्या लोकांचा मोठा खोळंबा झाला होता.