Goa Accident News: सांगोल्‍डा येथे झालेल्‍या भीषण अपघातातील कारचालक टी. आर. मंजुनाथ (रा. तुमकूर- कर्नाटक) याची येथील प्रथमवर्ग न्यायालयाने पुराव्यांअभावी निर्दोष मुक्तता केली.

हा अपघात 28 जून 2022 रोजी पहाटे पाचच्या सुमारास चोगम रोडवर घडला होता. त्‍यात दुचाकीस्वार कपिल लमाणी (25, बागा) हा मूळ कर्नाटकातील युवक ठार झाला होता, तर व्यंकटेश लमाणी (गदग-कर्नाटक) हा गंभीर जखमी झाला होता.

सरकारी पक्षाला संशयित आरोपी हाच अपघातग्रस्त कार चालवत होता हे सिद्ध करता आले नाही. तसेच अपघाताचा कुणीही प्रत्यक्ष साक्षीदार नव्हता. जखमी व्‍यंकटेश हा संशयित कारचालकाची ओळख पटवू शकला नाही.

शिवाय पोलिस आवश्यक पुरावेही सादर करू शकले नाहीत असे निरीक्षण नोंदवून न्यायाधीश शिल्पा पंडित यांनी संशयित आरोपी टी. आर. मंजुनाथ याला निर्दोष मुक्त करणारा निवाडा दिला. मात्र या निवाड्याला वरिष्ठ न्यायालयात आव्हान देण्यासाठी सरकारी पक्षाला सहा महिन्यांची मुदतही दिली.