Goa Police: गोवा पोलिसांच्या ‘वन स्टॉप’ सेंटरच्या माध्यमातून अखेर माय-लेकाची भेट...

Goa Police Latest News: मानसिक आघातामुळे मध्यप्रदेशमधून रेल्वेने गोव्यात आलेल्या एका महिलेला तिच्या मुलाची भेट मायणा-कुडतरी व मडगाव पोलिसांच्या ‘वन स्टॉप’ सेंटरच्या माध्यमातून झाली.

ही महिला रस्त्यावर फिरत होती.

मायणा-कुडतरी पोलिसानी तिला या सेंटरमध्ये आणले. ‘वन स्टॉप’ सेंटरच्या आवदा व्हिएगस यांनी मध्यप्रदेशमधील या महिलेच्या नातेवाईकांशी संपर्क साधला.

त्यामुळे तिचा मुलगा गाडी घेऊन गोव्यात दाखल झाला व आईला परत घरी घेऊन गेला.

ही घटना एक आठवडापूर्वी घडली होती. ही महिला सां जुझे द आरियल येथे रस्त्यावर भटकत होती.

ती प्रचंड मानसिक दबावाखाली असल्याचे पोलिसांच्या लक्षात आल्यावर त्यांनी तिला या केंद्रात आणून सोडले.

या महिलेचा पती व दोन मुलांचे निधन झाले होते. त्यामुळे तिला मानसिक धक्का बसला होता.