Ro-Ro Ferry Goa Dainik Gomantak
गोवा

Ro-Ro Ferry in Goa: 56 गाड्या, 100 प्रवासी, AC केबिन, 5 मिनिटांत करा रायबंदर ते चोडण प्रवास; प्रवाशांना मोजावे लागणार 'एवढे' पैसे Video Viral

Raibhandar Chodan Ro-Ro Ferry: सध्या या रो-रो फेरीचे अनेक व्हिडिओ समाजमाध्यमांवर व्हायरल होत असून, तिचे अनोखं आकर्षण लोकांना मोहित करतंय

Akshata Chhatre

Ro-Ro Ferry Viral Video: गोव्याच्या पर्यटन उद्योगाला आणखी एक नवा आयाम देत, देशातील पहिल्या वहिल्या रो-रो फेरी सेवेचा भव्य शुभारंभ सोमवार (१४ जुलै) ला झाला. मुख्यमंत्री डॉ. प्रमोद सावंत यांच्या हस्ते राज्यात रो-रो फेरीचं लोकार्पण झालं, त्यावेळी केंद्रीय राज्यमंत्री श्रीपाद नाईक आणि नदी नेव्हिगेशन मंत्री सुभाष फळदेसाई यांचीही उपस्थिती होती. ही केवळ राज्यातीलच नव्हे, तर संपूर्ण देशातील पहिली रो-रो फेरी सेवा असून, यामुळे गोव्याचे पर्यटन आणखी बहरेल आणि स्थानिक नागरिकांनाही मोठा दिलासा मिळेल असं म्हटलं जातंय.

आधुनिक सुविधांनी सज्ज 'रो-रो'चे आकर्षण

सध्या या रो-रो फेरीचे अनेक व्हिडिओ समाजमाध्यमांवर व्हायरल होत असून, तिचे अनोखं आकर्षण लोकांना मोहित करतंय. ही भव्य फेरी एकाच वेळी १६ कारगाड्या, ४० मोटरसायकल आणि शंभरहून अधिक प्रवाशांना घेऊन जाण्याची क्षमता ठेवते. रायबंदर ते चोडण या जलमार्गावर धावणारी ही फेरी पर्यटकांचं पूर्ण लक्ष स्वतःकडे वेधून घेतेय.

अथांग समुद्राच्या कुशीत वसलेल्या गोव्यामध्ये अशा आधुनिक रो-रो फेरीचे आगमन हे पाण्यावर आधारित पर्यटनासाठी एक पर्वणीच म्हणावं लागेल. या फेरीत एकदा आपली गाडी पार्क केल्यानंतर, तुम्ही थेट वातानुकूलित केबिनमध्ये जाऊन बसू शकता. या केबिनला काचेच्या मोठ्या खिडक्या जोडलेल्या आहेत, ज्यातून तुम्ही निसर्गाचा आणि वाहणाऱ्या पाण्याचा विहंगम देखावा आरामात अनुभवू शकता. सोबतच, या फेरीमध्ये उत्तम वॉशरूमची सोय उपलब्ध असल्याने, प्रवाशांना अत्यंत आरामदायी प्रवास करता येतो.

पर्यटक आणि स्थानिकांसाठी आकर्षक दर

चोडण-रायबंदर रो-रो फेरीबोटीचे दर सरकारने अत्यंत किफायतशीर ठेवले आहेत, ज्यामुळे प्रवाशांना मोठा दिलासा मिळालाय. प्रवासी आणि दुचाकी वाहनांसाठी हा प्रवास पूर्णपणे मोफत असेल, तर चारचाकी वाहनांना केवळ ३० रुपये शुल्क आकारले जाईल. नियमित ये-जा करणाऱ्या प्रवाशांसाठी खास पास सिस्टिमद्वारे ५० टक्के सवलत जाहीर करण्यात आली आहे.

या सर्व सुविधांमुळे ही रो-रो फेरी केवळ रोजच्या प्रवासासाठीच नव्हे, तर गोव्याला भेट देणाऱ्या पर्यटकांसाठीही एक नवीन आणि महत्त्वाचे आकर्षण ठरतेय. यामुळे गोव्याच्या पर्यटनाला चालना मिळण्यासोबतच, स्थानिक नागरिकांची वाहतूक व्यवस्थाही अधिक सुलभ होईल.

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Sattari Theft: 1 नाही, 2 नाही.. तब्बल 5 दुकाने फोडली! केरी-सत्तरीत चोरट्यांचा धुमाकूळ; नागरिक चिंताग्रस्त

Satyapal Malik: घटनात्मक पदावर असतानाही सरकारविरुद्ध उघडपणे बोलणारे, बेधडक सत्य सांगणारे 'सत्यपाल मलिक'

Palolem Nagarse: कोमुनिदादच्या जागेत घातले कुंपण, जमीन हडपण्याचा प्रयत्न; नगर्से-पाळोळेतील नागरिक संतप्त

Goa: 'कर्ज काढून सण साजरे केले नाहीत', मुख्यमंत्र्यांचे सडेतोड उत्तर; मतदारसंघासाठी 100 कोटींची तरतूद केल्याची दिली माहिती

Rashi Bhavishya 06 August 2025: तांत्रिक कामे किंवा इलेक्ट्रॉनिक बाबतीत दक्षता घ्या, आरोग्याकडे दुर्लक्ष नको

SCROLL FOR NEXT