(Goa Assembly Session) विधानसभेत राज्यपालांच्या भाषणावेळी विरोधकांचा गदारोळगोवा आठव्या विधानसभेच्या तिसऱ्या अधिवेशनाला आजपासून सुरुवात झाली आहे. विधानसभेत राज्यपालांच्या भाषणावेळी विरोधकांचा गदारोळ पाहायला मिळाला. यानंतर मार्शलनी आंदोलन करणाऱ्या विरोधकांना सभागृहाच्या बाहेर काढले. दरम्यान गोव्याचे राज्यपाल पी. एस. श्रीधरन पिल्लईंनी विकास कामांचा आढावा घेतला.

राज्यपाल पी. एस. श्रीधरन पिल्लईं म्हणाले, ''पत्रादेवी ते मडगावपर्यंत 4 लेन NH काम प्रगतीपथावर आहे आणि 2023 च्या शेवटी ते काम पूर्ण होईल. तसेच मनोहर आंतरराष्ट्रीय विमानतळ ते NH पर्यंत 6 लेन एक्स्प्रेस-वेचे काम प्रगतीपथावर आहे आणि ते ऑक्टोबर 2023 पर्यंत पूर्ण होण्याची अपेक्षा आहे. तसेच आतापर्यंत 4 खाण ब्लॉक्सचा लिलाव झाला आहे आणि चारही यशस्वी बोली लावणाऱ्यांनी 43.19 कोटी रुपयांची 20% रक्कम अगोदर भरली आहे.

त्याच प्रमाणे त्यांनी फायर फायटरचेही कार्यही अधोरेखिले आहे. राज्यात वेगवेगळ्या आगीच्या घटनांमध्ये 80 जणांना वाचवण्यात यश आलंय आणि संबंधित घटनांमधून त्यांनी जवळपास 75. 60 cr. ची संपत्ती सुरक्षितरित्या वाचवली आहे.