मडगाव मध्य भागातील जुन्या बस स्टॅण्ड वर बाजूला जुन्या जाहिरात फलकाची लोखंडी चौकट खाली पडण्याच्या स्थितीत आहे. या चौकटीखाली खासगी वाहने ठेवली जातात. शिवाय तिथे लोकांची वर्दळही असते.
पावसाळ्यात मोठा वारा आला तर ही लोखंडी चौकट खाली पडण्याची भीती तेथील लोकांनी व्यक्त केली आहे व ही चौकट दोन दिवसांच्या आत हटवावी, अशी मागणी मडगाव नगरपालिकेकडे केली आहे.
या संदर्भात बोलताना नितीन नाईक याने सांगितले की या चौकटीतील पत्रे काढल्याने ती अजून शाबूत आहे. अधिकारी येतात बघतात व जातात पण त्यातुन काहीच निष्पन्न होत नाही. जर पावसाळ्यात ही लोखंडी चौकट पडली तर आमच्यावरच पडेल ,अशी भीती नाईक यानी व्यक्त केली.
व्यवसायिक फॅब्रिकेटर दिनेश काकोडकर यांनी सांगितले की, ही लोखंडी चौकट एरव्ही चार खांबावर बसवली होती. मात्र, ही लोखंडी चौकट गंजलेली असल्याने तिचे तीन खांब सुटलेले आहेत व ती एका खांबावर सध्या असून पडण्याची शक्यता आहे. सरकारने, पालिकेने त्वरित ती हटवावी, अशी आपली मागणी असल्याचे काकोडकर याने सांगितले.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.