सभापती रमेश तवडकर यांनी नुकतीच केंद्रीय रस्ते वाहतूक मंत्री नितीन गडकरी यांची भेट घेतली व बलराम चॅरिटेबल ट्रस्टतर्फे श्रमधाम अभियानाअंतर्गत उभारण्यात येत असलेल्या घरांचे उद्‍घाटन व हस्तांतरण कार्यक्रमास उपस्थित राहण्याचे निमंत्रण दिले.

गडकरी यांनी निमंत्रण स्वीकारले असून जुलैत काणकोणला येण्याचे आश्‍वासन दिले आहे.

बलराम चॅरिटेबल ट्रस्टतर्फे काणकोण, प्रियोळ, सांगे मतदारसंघात बेघरांना श्रमधाम अभियानाअंतर्गत घरे बांधण्यात येत आहेत. या सर्व घरांचे काम जुलै महिन्याच्या अखेरपर्यंत पूर्ण करण्यात येणार आहे.

शेखावत यांनाही निमंत्रण

दरम्यान, सभापती तवडकर यांनी केंद्रीय संस्कृती मंत्री गजेंद्र सिंग शेखावत यांची भेट घेऊन आदर्श युवा संघ व बलराम शिक्षण संस्था आयोजित लोकोत्सव २०२४ ला उपस्थित राहण्यासंदर्भात निमंत्रण दिले. तसेच राज्यातील कला व संस्कृती संदर्भातील विकासाच्या वेगवेगळ्या प्रस्तावावर चर्चा केली.