Canacona Accident : वाहनांच्या धडकेत म्हशी मृत्युमुखी;काणकोणात एकाच दिवशी दोन वेगवेगळे अपघात

Canacona Accident :

काणकोण, मनोहर पर्रीकर बगल रस्त्यावर पाटणे येथे अज्ञात वाहनाने ठोकरल्याने एकाच दिवशी पाच म्हशी मृत्युमुखी पडल्या.

गुरुवारी (ता.३०) रात्री ९.३० वाजण्याच्या सुमारास एका कारने ठोकरल्याने दोन म्हशी जागीच मरण पावल्या तर त्याचदिवशी एका मालवाहू ट्रकने ठोकरल्याने तीन मिळून एकाच दिवशी पाच म्हशींना आपला जीव गमवावा लागला.

मनोहर पर्रीकर बगल मार्गावरील पथदिवे अनेक दिवस पेटत नाहीत. यासंदर्भात सार्वजनिक बांधकाम खात्याच्या अभियंत्यांनी संपर्क साधला असता पथदिवे वीज खात्याने दुरुस्त करणे गरजेचे आहे, असे उत्तर स्थानिकांना मिळाल्याचे काही स्थानिक नागरिकांनी सांगितले.

पथदिवे पेटत नसल्याने भरधाव येणाऱ्या वाहनांना रस्त्यावरील म्हशी, गुरे दिसत नाहीत, त्यामुळे या घटना घडत असल्याचे स्थानिकांनी सांगितले.