‘एक भारत श्रेष्ठ भारत’ या उपक्रम आणि 'आझादी का अमृतमहोत्सव'अंतर्गत गोव्याचे विद्यार्थी टाटानगर, झारखंड येथे रवाना झाले आहे.

मडगाव येथून रवाना झालेल्या ट्रेनला गोवा विधानसभेचे सभापती रमेश तवडकर यांनी हिरवा झेंडा आणि भारतीय तिरंगा दाखवून मार्गस्थ केले.

सरदार वल्लभभाई पटेल यांच्या 140 व्या जयंतीनिमित्त 31 ऑक्टोबर 2015 रोजी पंतप्रधानांनी ‘एक भारत श्रेष्ठ भारत’ या उपक्रमाची घोषणा केली होती.

विविध राज्ये आणि केंद्रशासित प्रदेशांच्या संस्कृती, परंपरा आणि जीवन पद्धतींचे ज्ञान यांची देवाणघेवाण वाढावी असा या उपक्रमाचा उद्देश आहे. भारताची एकता आणि अखंडता मजबूत होण्यासाठी ‘एक भारत श्रेष्ठ भारत’ या उपक्रम महत्वाचा मानला जातो.