Ro-Ro ferry Boat service Goa  Dainik Gomantak
गोवा

Ro Ro Ferryboat: रो-रो फेरीबोटींच्या नावावरून गोंधळ! स्थानिक नद्यांची नावे देता आली नाहीत का? अमित पाटकर यांचा सवाल

Raibandar Chorao Ro Ro Ferry Boat: व्हिएतनाममध्ये ज्याप्रमाणे अंतर्गत जलमार्गावरील बोटसेवा तेथील अर्थकारणाला मदत करीत आहे, त्याप्रमाणे गोव्यातही सुरू होणाऱ्या अंतर्गत जलमार्गावरील बोटसेवा अर्थकारणाला मदत करेल.

Sameer Panditrao

पणजी: व्हिएतनाममध्ये ज्याप्रमाणे अंतर्गत जलमार्गावरील बोटसेवा तेथील अर्थकारणाला मदत करीत आहे, त्याप्रमाणे गोव्यातही सुरू होणाऱ्या अंतर्गत जलमार्गावरील बोटसेवा अर्थकारणाला मदत करेल. रायबंदर - चोडण मार्गावर सुरू झालेल्या रो-रो फेरीसेवेप्रमाणेच राज्यातील आठ ठिकाणी रो-रो फेरीसेवा सुरू करण्याचा सरकारचा मानस आहे, त्यामुळे पर्यटनाला अधिक चालना मिळणार असल्याचे मत मुख्यमंत्री प्रमोद सावंत यांनी केले.

रायबंदर-चोडण मार्गावर अंतर्गत जलमार्ग खात्याच्यावतीने सुरू होत असलेल्या रो-रो फेरीबोट सेवा लोकार्पण सोहळ्यात ते प्रमुख पाहुणे म्हणून बोलत होते. याप्रसंगी केंद्रीय राज्यमंत्री श्रीपाद नाईक, खासदार सदानंद शेट तानावडे, अंतर्गत जलमार्ग खात्याचे मंत्री सुभाष फळदेसाई, आमदार प्रमेंद्र शेट तानावडे, धाकू मडकईकर, खात्याचे संचालक विक्रमसिंग राजेभोसले, विजय मरीनचे सूरज दहलानी व इतर मान्यवर उपस्थित होते.

सावंत म्हणाले, रो-रो फेरीसेवा सुरू करण्यासाठी मंत्री फळदेसाई आणि आमदार शेट यांनी सतत पाठपुरावा केला. गोव्यात बांधणी केलेली रो-रो फेरीबोट पर्यटकांसाठी निश्चितच आकर्षण ठरणार आहे. रो-रो फेरीबोट ही पर्यटनाला चालना देणारी असल्याने या सेवेला विरोध करणे योग्य नाही. अधिक वेगाने चालणारी ही फेरीबोट असल्याने लोकांचा वेळ वाचणार आहे.

सुरक्षित आणि आरामदायी होणार प्रवास

रो-रो फेरीबोट ही चार फेरीबोटींचा बोजा सहन करणार आहे. ३६० अंशात ही बोट फिरू शकते, त्यामुळे वाहने घेऊन येणाऱ्या वाहनधारकांना बारा ते तेरा मिनिटे थांबावे लागणार आहे. पर्यटकांना व नागरिकांना या बोटीमध्ये सुरक्षित आणि आरामदायी प्रवासाबरोबरच वातानुकुलीत कक्षेत बसायला मिळणार आहे.

फेरीबोटींच्या नावांना काँग्रेसचा आक्षेप

अंतर्गत जलमार्ग खात्याच्यावतीने रो-रो फेरीबोट सेवा सुरू झाली, परंतु या दोन्ही बोटींना ‘द्वारका’ व ‘गंगोत्री’ अशी अनुक्रमे नावे दिली गेली आहेत. या नावाला आता काँग्रेसने आक्षेप घेतला आहे. द्वारका व गंगोत्री ही नावे परराज्यातील आहेत. राज्य सरकारला स्थानिक नद्यांची नावे देता आली नाहीत का? असा सवाल प्रदेश काँग्रेसचे अध्यक्ष अमित पाटकर यांनी केला आहे.

प्रवासी, दुचाकीस्वारांना तिकीट नाही

रो-रो फेरीबोटीतून प्रवास करणाऱ्या प्रवासी आणि दुचाकीस्वारांना सध्या कोणतेही तिकीट आकारले जाणार नाही. चारचाकी वाहनांना मागील दरापेक्षा फक्त पाच रुपये वाढविले आहेत. गोव्याच्या विजय मरीन या शिपिंग कंपनीत या बोटीची निर्मिती करण्यात आली आहे. आत्मनिर्भर भारत, विकसित गोवाचे हे उदाहरण असल्याचे फळदेसाई यांनी सांगितले.

रो-रो फेरीसेवा सुरू करण्यासाठी मंत्री फळदेसाई आणि आमदार शेट यांनी सतत पाठपुरावा केला. गोव्यात बांधणी केलेली रो-रो फेरीबोट पर्यटकांसाठी निश्चित आकर्षण ठरणार आहे. पर्यटनाला चालना देणारी ही फेरीबोट असल्याने त्‍यास विरोध करणे योग्य नाही. अधिक वेगाने चालणारी ही फेरीबोट असल्याने लोकांचा वेळ वाचणार आहे.
डॉ. प्रमोद सावंत, मुख्‍यमंत्री

दैनिक गोमंतकचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.

Goa Police: खून प्रकरणातील आरोपी, कुख्यात गँगस्टर लॉरेन्स बिश्नोईच्या सहकाऱ्याला गोवा पोलिसांनी कशी अटक केली?

Asia Cup 2025: यूएईमध्ये भारताची कामगिरी कशी? पाकिस्तानविरुद्ध लाजिरवाणा रेकॉर्ड, तरीही टीम इंडिया विजेतेपदाची दावेदार

Viral Video: डॉगेश भाई से पंगा नहीं… ! जंगलाच्या राणीला दिली जबरदस्त टक्कर; सोशल मीडियावर व्हिडिओ तूफान व्हायरल

Iran: इराणच्या रिव्होल्यूशनरी गार्ड्सची मोठी कारवाई! 5 पोलिसांच्या हत्येचा बदला घेत 13 दहशतवाद्यांचा केला खात्मा VIDEO

Monthly Horoscope September 2025: सप्टेंबरमध्ये 'या' 5 राशींचे भाग्य उजळणार! ‘भद्र राजयोग’ देणार सुख-समृद्धी; धन-संपत्तीत होणार मोठी वाढ

SCROLL FOR NEXT