Ragada River Polluted

साकोर्डा भागातील प्रमुख रगाडा नदीचे पाणी अचानक दूषित होऊन हिरवेगार झाले आहे. याची माहिती साकोर्डावासीयांना मिळताच संतप्त झालेल्या शकडो लोकांनी आज सकाळी पंचायतीवर धडक देऊन पंचायत मंडळाचे लक्ष वेधले.

सरपंच प्रिया खांडेपारकर यांनी त्वरित ग्रामस्थांबरोबर बैठक घेतल्यानंतर प्रदूषित झालेल्या रगाडा नदीच्या पाण्याची देऊळमळ-साकोर्डा येथील पुलाकडे पाहणी केली. रगाडा नदीचे पाणी आटल्याने ते संथपणे वाहत होते. पात्रातील संपूर्ण पाणी गडद हिरवेगार झालेले दिसत होते.

पानसी जलप्रकल्पातून रगाडा नदीचे दुषित पाणी थेट नळाला सोडले जाते. नळाला गढूळ , हिरव्यागार पाण्याचा पुरवठा होत असून पाण्याला मासळीचा वास सुटला आहे, असे एका महिलेने सांगितले. हे पाणी प्याल्याने घशात त्रास होऊ लागला आहे.

तसेच या भागात सर्दीच्या प्रमाणात वाढ झाली आहेत. डॉक्टरांनी सांगितले की, परिसरातील लोकांनी घाणीपासून दूर राहण्याचा सल्ला दिलेला आहे. अशा लोकांना "अ‍ॅलर्जी शक्यता असते. होण्याची जास्त

नमुने तपासणीसाठी

आरोग्य खाते, सार्वजनिक बांधकाम खाते व जलस्रोत खाते यांनी नदीच्या पाण्याचे नमुने घेतले असून प्रयोगशळेत पाठवले आहेत. प्रकल्प बंद करून टँकरने गावाला पाणी पुरवठा करण्याची मागणी संतप्त लोकांनी केलेली आहे.

धारबांदोडा पाणी विभागाचे कनिष्ठ अभियंता बाबशेट यावेळी उपस्थित होते. एका प्रकल्पाला दिलेला ना हरकत दाखला मागे घेणार आहे, असे सरपंच प्रिया खांडेपारकर यांनी यावेळी सांगितले.

साकोर्डा येथील रगाडा नदी दूषित झाली आहे, याची चौकशी करावी, अशी मागणी सरपंच व पंचायत मंडळाला केली होती. धारबांदोडा येथील पाणी विभागाच्या संबंधित सहाय्यक अभियंत्याना कळवले होते. दूषित पाण्यामुळे अनेक रोग जडण्याची शक्यता असते.

हा संवेदनशील विषय असल्याने गांभीर्याने घेण्याची गरज आहे. हा विषय ज्यावेळी पंचायतीकडे आला त्यावेळी त्यावर त्वरित कृती करण्याची गरज होती. खबरदारी घ्यावी. अन्यथा आम्हाला पुढील कृती करावी लागेल असे साकोर्डा येथील नीलेश मापारी म्हणाले.