मडकई: मडकईचे आमदार तथा वीजमंत्री सुदिन ढवळीकर यांचा महालक्ष्मी बालमंडळ नावतवाडा तसेच दहाजण समाजातर्फे सन्मान करण्यात आला. मडकई मतदारसंघात सलग सहावेळा एकाच राजकीय पक्षावर निवडून येऊन आपली लोकप्रियता टिकवून ठेवून मतदारसंघाच्या विकासासाठी कार्यरत राहिल्याबद्दल त्यांना पुष्पगुच्छ भेट देऊन तसेच पुष्पहार घालून शुभेच्छा देण्यात आल्या. यावेळी मिथिल ढवळीकर उपस्थित होते. सुदिन ढवळीकर यांनी उपस्थितांचे आभार मानताना आपल्यावरील हे प्रेम असेच ठेवा, असे आवाहन केले.