Motorcycle Thief Arrested: एकीकडे गोव्यातील पोलिस हे कर्तृत्ववान आणि सतर्क पोलिस अधिकारी म्हणून देशभरात नावाजले गेले आहेत; तर दुसरीकडे गोव्यातील गुन्हेगारी विश्वात रोज नवनवीन घडामोडी घडत आहेत. अमली पदार्थांची तस्करी आणि चोरीच्या घटनांचे प्रमाण तुलनेत वाढले आहे. यातच मोटारसायकल चोराला फोंडा पोलिसांनी (Ponda Police) अटक केली आहे.

मूळचा कारवारचा रहिवासी असलेला आणि सध्या मंगेशीमध्ये राहत असलेल्या 24 वर्षीय तरुणाने 'रॉयल एनफील्ड' बुलेट चोरी केली होती. बुलेट मालकाने पोलिसात तक्रार दाखल केली असता, पोलिसांनी शोधमोहिमेचा वेग वाढवला आणि चोराला आपल्या ताब्यात घेतले आहे.

दरम्यान, या चोराचे कोणत्या टोळीसोबत संबंध आहेत का किंवा अजून कोणत्याही प्रकारचा चोरीचा मुद्देमाल याच्याकडे आहे का याचा तपास फोंडा पोलिस करत आहेत.