फोंडा: पात्राव बिना फोंडा वासियांची दिवाळी सुनी-सुनी झाली आहे. फोंड्यावर उदासीचे सावट पसरले असून, "घर घर में दिवाली है, मेरे घर में अंधेरा" अशी सध्या फोंड्याची अवस्था झाली आहे. दिवाळी असूनही सगळीकडे शोककळा आणि उदासीचे वातावरण आहे.
फोंडा मतदारसंघातून सहा वेळा आणि मडगाव मतदारसंघातून एकदा निवडून गेलेले माजी मुख्यमंत्री रवी नाईक (पात्राव) यांच्या निधनाने गेल्या पाच दिवसांपासून फोंड्यात शोककळा पसरली आहे. दिवाळीचे उत्सवमय वातावरण असूनसुद्धा शहरात सुतकी वातावरण जाणवते.
या भागातील नरकासुर स्पर्धा रद्द करण्यात आल्या आहेत. एरव्ही शहराच्या कानाकोपऱ्यात दिसणारे शुभेच्छा फलकदेखील यंदा दिसत नाहीत. काही इच्छुक उमेदवारांनी तयार केलेले फलक रद्द केले आहेत, अशी फोंड्यात आहे.
फोंड्याचे उद्योजक मंगलदास पावसकर म्हणाले, “दिवाळीच्या दिवसात पात्रांवाचे दर्शन फलकावर वा प्रत्यक्ष व्हायचेच. त्यांच्या उत्साहाने वातावरण भारलेले असायचे. आता ती सगळी मजा इतिहासजमा झाली आहे.”
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.