Poetry Concert: कला, संस्कृती आमि संगीत या क्षेत्रात कार्यरत असलेल्या ‘सृजन संवाद’ या संस्थेतर्फे राज्यात विविध कार्यक्रमांचे आयोजन करण्यात येते. यावेळेला सृजन संवादतर्फे कविवर्य बा. भ. बोरकर यांच्या पुण्यस्मरणदिनी येत्या गुरुवार दि. 30 रोजी काव्य मैफलीचे आयोजन करण्यात आले आहे,अशी माहिती फोंड्यात घेतलेल्या पत्रकार परिषदेत देण्यात आली.

यावेळी सृजन संवादचे पदाधिकारी श्रीधर कामत बांबोळकर तसेच ॲड. सुरेल तिळवे आदी उपस्थित होते. बा. भ. बोरकर यांचे पुतणे डॉ. घनश्‍याम बोरकर हे कवी असून त्यांनी अनेक कार्यक्रम आयोजित केले आहेत. गुरुवारी बा. भ. बोरकर यांच्या ‘शिवमतभैरव'', ‘कालजयी‘, 95व ‘शरणयोग'' या तीन कविता संग्रहांचे प्रकाशन तसेच त्यांच्या निवड कवितांवर काव्य गायन मैफल होणार आहे.

सृजन संवाद व राज्य सरकारच्या कला आणि संस्कृती खात्याच्या सहकार्याने हा कार्यक्रम पाटो - पणजीतील संस्कृती भवनच्या सभागृहात संध्याकाळी 5 वा. सुरू होणार आहे. या कार्यक्रमाला साहित्यिक दामोदर मावजो, डॉ. सोमनाथ कोमरपंत व कला संस्कृती संचालक सगुण वेळीप उपस्थित राहणार आहेत.