Guirim Pipeline Burst: गोव्यात सध्या ठिकठिकाणी रस्त्यांचे काम सुरू आहे. यामुळे कित्येक ठिकाणी जलवाहिनी फुटल्याच्या घटना गेल्या काही दिवसात घडल्या आहेत.

नुकत्याच मिळालेल्या माहितीनुसार, गिरी येथील सर्विस रोडनजीक असलेली पाईपलाईन फुटल्याची माहिती समोर आली आहे.

गिरी सर्विस रोड हा नेहमीचा रहदारी असलेला मार्ग आहे. यावर मोठ्या प्रमाणात वाहतूक असते. मात्र जलवाहिनी फुटल्यामुळे इथे आता वाहतुकीला अडथळा निर्माण झाला आहे.

जलवाहिनी फुटल्यापासून कोणतेही संबंधित अधिकारी घटनास्थळी पाहणी करण्यासाठी आले नसल्याचे सांगण्यात येत आहे.

ही पाईपलाईन फुटल्यामुळे हजारो लिटर पाण्याची नासाडी झाली आहे. राज्यभारत एकीकडे पाण्याची समस्या इतकी गंभीर बनली आहे की नागरिक पाण्यासाठी आंदोलने करत आहेत तर, दुसरीकडे पाईपलाईन फुटण्याच्या वाढत्या घटनांमुळे शेकडो लिटर पाण्याची नासाडी होत आहे.

संबंधित पाईपलाईन नेमकी कशामुळे फुटली याचे कारण अद्याप स्पष्ट झाले नाही.