पणजी: धारगळ येथे गेल्या डिसेंबरच्या अखेरीस झालेल्या सनबर्न ईडीएम फेस्टीव्हलसंदर्भात असलेल्या गाऱ्हाणी अतिरिक्त प्रतिज्ञापत्रकाद्वारे मांडण्यासाठी याचिकादारांनी वेळ मागितल्याने त्यावरील सुनावणी येत्या ११ फेब्रुवारीपर्यंत तहकूब करण्यात आली आहे.
या फेस्टीव्हलच्या आयोजनासंदर्भात गोवा खंडपीठाने काही मार्गदर्शक तत्त्वे आखून दिली होती त्यातील काहींची अंमलबजावणी करण्यात आयोजक अपयशी ठरले आहेत. त्यासंदर्भातची माहिती अतिरिक्त प्रतिज्ञापत्राद्वारे मांडण्यात येईल, अशी माहिती दोन्ही याचिकादारांनी न्यायालयाला दिली.
या सुनावणीवेळी सनबर्न ईडीएम फेस्टीव्हलच्या पहिल्याच दिवशी ड्रग्जचा बळी ठरलेल्याची माहिती देण्याचा प्रयत्न याचिकादारांनी न्यायालयात यावेळी केला, मात्र खंडपीठाने त्यामध्ये हस्तक्षेप करत त्यांची जी काही गाऱ्हाणी आहेत त्याची प्रतिज्ञापत्राद्वारे माहिती द्या असे यावेळी सांगितले.
या फेस्टीव्हलच्या दरम्यान वाहतूक तसेच सुरक्षा व ध्वनी प्रदूषण यासंदर्भातचा कोणताही अहवाल मागितला नाही. मात्र याचिकादारांनी गाऱ्हाणी सादर केल्यानंतर त्याला सरकार उत्तर देण्याची शक्यता आहे. पुढील सुनावणी ११ फेब्रुवारीला होणार आहे.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.