Cyber Crime: जीएमसी अपॉइंटमेंटच्या नावाखाली 1.94 लाखांची फसवणूक; अमरावतीतून युवकाला अटक

पणजी: गोवा वैद्यकीय महाविद्यालयात (जीएमसी) ऑनलाइन अपॉइंटमेंट बुक करण्याचे आमिष दाखवून एका ज्येष्ठ नागरिकाची १ लाख ९४ हजार रुपयांची फसवणूक करणाऱ्या सायबर भामट्याला पर्वरी पोलिसांनी महाराष्ट्रातील अमरावती येथून अटक केली आहे.

सुमित इंगोले (२५, अमरावती) असे संशयिताचे नाव आहे. पोलीस उपनिरीक्षक सीताराम मलिक, हवालदार हेमंत गावकर आणि भिकाजी परब यांच्या पथकाने अमरावतीत जाऊन संशयिताला ताब्यात घेतले.

या सायबर फसवणूक रॅकेटमध्ये आणखी कोणाचा सहभाग आहे आणि या नेटवर्कची पाळेमुळे कुठे रुजली आहेत, याचा पोलीस कसून शोध घेत आहेत.