उसगांव तिस्क येथे अपघातात दुचाकीस्वार जागीच ठार झाला, तर लहान मुलगा जखमी झाला. जखमी लहान मुलावर पिळये आरोग्य केंद्रात उपचार सुरू आहेत.

घटनास्थळावरून प्राप्त माहितीनुसार उसगाव कसल्ले या गावातून उसगाव बाजारात आपल्या धर्मेंद्र या मित्राला पोचवण्यासाठी जात असता समोरून येणाऱ्या खडीची वाहतूक करणाऱ्या ट्रकची धडक दुचाकीला बसली व चालकासह दुचाकी रस्त्यावर आडवी झाली.

या घटनेत दुचाकी चालक सुभेलाल याच्या डोक्यावरून ट्रकचे पाठीमागील चाक गेल्याने त्याचे जागीच ठार झाला तर त्याच्या पाठीमागे बसलेला त्याचा मुलगा साईश व सुभेलालचा मित्र धर्मेंद्र हाही जखमी झाला.

धर्मेंद्र याच्यावर उपचार करून घरी पाठविले तर सुभेलालचा मुलगा साईश पिळये तिस्क येथील इस्पितळामध्ये उपचार घेत आहे. फोंडा पोलिसांनी पंचनामा करून मृत सुभेलालचा मृतदेह शवचिकित्सेसाठी मडगाव येथे पाठवलेला आहे.