राज्यात गेल्या काही दिवसांपासून अमली पदार्थविरोधात गोवा पोलिसांनी कारवाईचा वेग वाढवला असून यामूळे अमली पदार्थ विक्री करणाऱ्यांचे धाबे दणाणले आहे. या पार्श्वभूमीवर आज पेडणे येथे कारवाई करण्यात आली असून या प्रकरणात एकाला अटक करण्यात आली आहे.

(Pernem Police arrests Ahsan Khan at Arambol for allegedly possessing drugs)

मिळालेल्या माहिती नुसार पेडणे पोलिसांना हरमल येथे एक व्यक्ती अमली पदार्थ विक्रीसाठी येणार असल्याची माहिती मिळाली होती. यावरुन पोलिसांनी हरमल येथे छापा टाकत एकाला अटक केली आहे. या कारवाईत पोलिसांनी 49.3 ग्रॅम अमली पदार्थ जप्त केले असून त्याची अंदाजे किंमत सुमारे 49,000 रुपये इतकी आहे.

या कारवाईत छत्तीसगड येथील अहसान खान या 28 वर्षीय युवकाला अटक करण्यात आली आहे. याबाबत माहिती देताना पोलिसांनी सांगितले की, संशयिताने आणखी कोणत्या गुन्ह्यात सहभाग नोंदवला आहे का? याचा तपास पोलिस करत आहेत.