पणजी: गोव्यातील अनेक भागात वास्तव्य करणाऱ्या नागरिकांना भर उन्हाळ्यात पाण्याची कमतरता भासत आहे. शिवोली आणि मोरजी येथील अनेक ठिकाणी दिवसातून एकदाच पाणी पुरवठा केला जातो. परिणामी येथील लोकांना पुरेसे पाणी मिळत नाही. (people facing water shortage in goa)

गोव्यातील अनेक भागात पाणी पुरवठा सुधारण्याऐवजी बिघडतच चाललेला आहे. अधिकृत माहितीनुसार, अनेक ठिकानची पाईपलाईन जुनी झाली आहे. यामुळे काही ठिकाणी पाईप फुटून पाण्याची गळती सुरू आहे. याचबरोबर जलशुद्धीकरण केंद्रांमध्ये बिघाड, रुंद पाईपलाईन आणि पाण्याचे असमान वितरण यामुळे नागरिक त्रस्त आहेत.

“आमच्या कुटुंबात 11 सदस्य आहेत. आम्ही आमच्या विहिरीचे पाणी इतर सर्व गरजांसाठी वापरतो, मात्र पिण्यासाठी शुद्ध पाण्याची गरज भासते. PWD आम्हाला स्वखर्चाने पाईपलाईन बदलण्यास सांगत आहे,” एका नागरिकाने सांगितले.

काही भागात PWD टँकरद्वारे पाणीपुरवठा करत आहे. मात्र, तरीही लोकांना पाणी टंचाईचा सामना करावा लागतोय. लोकांच्या म्हणण्यानुसार, पीडब्ल्यूडी आठ दिवसांनी एक टँकर पाठवते, तोही वारंवार पाठपुरावा केल्यानंतर. आम्ही पणजी येथील मुख्य अभियंत्याला भेटलो, मात्र समस्येचे निवारण झालेले नाही. आमच्याकडे हजर राहण्यासाठी फक्त एक PWD प्लंबर उपलब्ध आहे आणि आमच्या समस्येचे निवारण करण्यासाठी कोणताही अधिकारी पुढे येत नाही,” अशी खंत लोकांनी व्यक्त केली.