Pedamol curchorem 7 vehicles are damaged by unknown person quepem police investigating

कुडचडेतील पेडामळ शिरवई येथे आज अज्ञातांनी परिसरातील वाहनांवर दगडफेक केल्याचा धक्कादायक प्रकार समोर आला आहे. स्थानिकांनी दिलेल्या माहितीनुसार, हा प्रकार पहाटे 4 वाजताच्या सुमारास घडला. कुणीतरी अज्ञात व्यक्तीने दगडाने परिसरातील गाड्यांच्या काचा फोडल्या.

दरम्यान, तिथे यामध्ये एकूण 8 गाड्यांचे नुकसान झाले आहे. या संपूर्ण घटनेमुळे परिसरात भीतीचे वातावरण निर्माण झाले असून संताप व्यक्त केला जात आहे.

नागरिकांनी दिलेल्या माहितीनुसार, सदर घटनेबाबत कॅमेरा तपासण्यात आला तरी त्यामध्ये कुणीच दिसून आले नाही. आता गाड्यांचे नुकसान भरून काढण्यासाठी चालकांना मोठे आर्थिक नुकसान सहन करावे लागणार आहे.

या प्रकरणी अज्ञाताविरूद्ध पोलीस तक्रार करण्यात आली असून केपे पोलीस अधिक तपास करत आहेत.