गोव्याच्या कला अकादमीत स्वर मंगेश हा कार्यक्रम होत आहे. नुतनीकरणानंतर होणारा हा पहिलाच कार्यक्रम आहे. यानिमित्ताने तब्बल दोन वर्षानंतर कला अकादमीत पुन्हा कार्यक्रमांना सुरवात झाली आहे. मुख्यमंत्री डॉ. प्रमोद सावंत, सांस्कृतिक मंत्री गोविंद गावडे यावेळी उपस्थित होते.
ड्रग्ज बाळगल्याप्रकरणी मडगाव पोलिसांनी एकाला अटक केली आहे. त्याच्याकडून 1 लाख 25 हजार रूपयांचा चरस जप्त करण्यात आला आहे.
आयटीचे पथक गोव्यात दाखल झाले आहे. एक बडा आय.ए.एस अधिकारी रडारवर असल्याची सुत्रांची माहिती.
गोव्यातील आग्नेलो डिसुझा आणि मॅकिलन डिसुझा या दाम्पत्याने दुसऱ्याच्या नावावरील प्लॉट बनावट कागदपत्रांच्या आधारे विकला होता. 2017 मध्ये दिल्लीतील एकाला हा प्लॉट 2 कोटी 20 लाख रूपयांना विकला होता. या प्रकरणी या दाम्पत्यावर मायणा कुडतरी पोलिसांत फसवणुकीचा गुन्हा दाखल करण्यात आला आहे.
सरकार जेव्हा काणकोणमध्ये प्रकल्पासाठी प्रस्ताव घेऊन येईल त्यावेळी नागरिकांना त्याचे समर्थन करावे, असे आवाहन मुख्यमंत्री प्रमोद सावंत यांनी लोकोत्सवावेळी केले.
वास्को ते कुळे पर्यंत धावणाऱ्या लोकल पॅसेंजर ट्रेन क्र. 07380 आणि 07379 सध्या सुरू असलेल्या रेल्वे दुहेरीकरण प्रकल्पामुळे रद्द केल्या आहेत. यामुळे दक्षिण गोव्यातील कुळे, काले आणि आसपासच्या गावातील रहिवाशांना अडचणी निर्माण होत आहेत.
याचा विशेषत: विद्यार्थी, कर्मचारी आणि स्थानिक प्रवाशांना अधिक त्रास होत आहे. याकडे तातडीने लक्ष द्यावे अशी मागणी सदानंद शेट तानावडे यांनी राज्यसभेत शुन्य प्रहरात रेल्वे मंत्र्यांकडे केली.
कोलवा येथील पे पार्किंगला विरोध होत असून, मच्छिमारांनी पेलेच्या नेतृत्वाखाली पर्यावरण मंत्री आलेक्स सिक्वेरा यांची भेट घेतली. मंत्री सिक्वेरा या प्रकरणात लक्ष घालण्याचे आश्वासन दिले आहे.
कुडचडे पेडामळ येथे सात वाहनांवर अज्ञात व्यक्तीकडून दगडफेक करुन नुकसान करण्यात आले आहे. केपे पोलीस याचा तपास करत आहेत.
नुवे-आर्ले बायपास मार्गावर कोळसावाहू ट्रक पलटी झाला आहे. कोळसा रस्त्यावर विखुरल्याने मार्गावर वाहसुकीस आडथळा निर्माण झाला आहे.
नवे वाडे येथे पार्क केलेल्या स्कूटरला अचानक स्टार्टर मारला, सुरु झालेल्या स्कूटरने 10 मीटर फरफटल्याने 9 वर्षीय मुलगा गंभीर जखमी झाला आहे. मुलाला चिखली येथील रुग्णालयात दाखल करण्यात आले होते तेथून त्याला गोवा वैद्यकीय महाविद्यालयात रेफर करण्यात आले आहे.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.