आगोंद पंचायत मंडळातर्फे आज, शुक्रवारी पंचायत कार्यालयाच्या परिसरात वनमहोत्सव साजरा करण्यात आला. या कार्यक्रमात लडाख केंद्रशासित प्रदेशच्या सेक्युअर हिमालयीन प्रकल्पाचे अधिकारी आणि स्थानिक पदाधिकारी सहभागी झाले होते.

यावेळी सरपंच प्रीतल फर्नांडिस, पंच फातिमा रॉड्रिग्स, लडाख केंद्रशासित प्रदेशच्या सेक्युअर हिमालयीन प्रकल्पाचे अधिकारी तनुज नागपाल, स्तानझीन नामदोल, पाल्जेस आंगमो, त्सेतन दोरजाई, सलीम रझा, फरिदा बानो, थिनलेस आंगमो, सोनम तारगैस, त्सरिंग दावा, त्सैरींग चोसडोन, विनय तुबकी, शाबा नाईक गावकर, नारायण देसाई, दामोदर च्यारी, सूरज नाईक गावकर, शिरीष पै, विनोद फळदेसाई, संजील नाईक गावकर, प्रकाश फळदेसाई आणि मान्यवर उपस्थित होते.

यावेळी प्रकल्प अधिकारी तनुज नागपाल, स्तानझीन नामदोल, पंचसदस्य फातिमा रॉड्रिग्स यांच्या हस्ते वडाचे रोपटे पंचायत कार्यालयामागे लावण्यात आले. सुरुवातीला सरपंच फर्नांडिस यांनी स्वागत केले, तर फातिमा रॉड्रिग्स यांनी आभार मानले.

वृक्षच मनुष्याचे तारणहार

यावेळी सरपंच प्रीतल फर्नांडिस म्हणाल्या, की झाडेच माणसाचे तारणहार आहेत. माणसांच्या भल्यासाठीच झाडांची निर्मिती झाली आहे. मात्र, या झाडांची माणूसच निर्दयीपणे हत्या करत आहे. त्यामुळे केवळ झाडे लावून उपयोग नाही, तर ती जगवलीही पाहिजेत.