पणजी शहरात स्मार्ट सिटीच्या कामांना गती आली आहे. त्यामुळे विविध रस्त्यांची कामे सुरू असल्याने शहरातील पे-पार्किंग शुल्क न आकारण्याचे आदेश संबंधित कंत्राटदाराला महापौर रोहित मोन्सेरात यांनी दिले आहेत.
पणजीतील अनेक मार्गांवर पार्किंग शुल्क आकारले जाते. महत्त्वाचे मार्ग उदा. १८ जून रस्ता, आत्माराम बोरकर मार्ग, चर्च स्क्वेअर येथे पार्किंग शुल्क आकारले जाते; परंतु सध्या वाहनधारकांना वाट काढत ये-जा करावी लागत आहे.
रस्त्याची कामे सुरू असल्याने वाहनांना पार्किंगसाठी जागाही मिळत नाही. त्यामुळे महापौर मोन्सेरात यांनी पणजीतील पार्किंग शुल्क आकारणी ३१ मे पर्यंत बंद ठेवण्याचा निर्णय घेतला आहे. स्मार्ट सिटीची कामेही ३१ मेपर्यंत पूर्ण करण्यात येणार असल्यांचे यापूर्वी राज्य सरकारकडून जाहीर करण्यात आले आहे.
दैनिक गोमंतकचे सदस्य व्हा
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.