Goa school academic year: इयत्ता सहावी ते बारावीपर्यंतच्‍या (अकरावी वगळता) विद्यार्थ्यांचे नवीन शैक्षणिक वर्ष एप्रिल महिन्यात सुरू करण्याच्या निर्णयाला राज्यातील सुमारे दहा हजार पालकांनी हरकती घेतल्या आहेत. यासंबंधीच्या पत्रांचा ढिगारा शिक्षण संचालनालयात दाखल झाला आहे.
आज एकाच दिवशी शिक्षण संचालनालयाच्या कार्यालयात सुमारे अडीच हजारांहून अधिक हरकती स्वीकारण्यात आल्या. सहा हजारांहून अधिक हरकती इमेलच्या माध्यमातून पाठविण्यात आल्या आहेत. या निर्णयाविरोधात राबविण्यात आलेल्या स्वाक्षरी मोहिमेच्या माध्यमातून १३ हजारांहून अधिक पालकांनी सह्या केल्याची माहिती समोर आली आहे.
शिक्षण संचालनालयाने राजपत्रात अधिसूचना जारी करून एप्रिलमध्ये शैक्षणिक वर्ष सुरू करण्यास कुणाच्या हरकती किंवा सूचना असल्यास नोंदविण्यासाठी २७ मार्चपर्यंतची मुदत दिली होती. त्यानुसार राज्यभरातील हजारो पालकांनी, काहींनी प्रत्यक्ष तर काहींनी इमेलच्या माध्यमातून सूचना तसेच हरकती नोंदविल्या आहेत. ईमेलद्वारे हरकती किंवा सूचना नोंदवलेल्या पालकांना ईमेल स्वीकृत (सीसी) केल्याची माहिती मिळाली.
सुमारे दहा हजार सूचना तसेच हरकती शिक्षण संचालनालयात दाखल झाल्या आहेत. या सर्व पत्रांची छाननी करून योग्य तो निर्णय घेण्यात येईल.
दैनिक गोमंतकचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Goa news in Marathi and Goa local news on Tourism, Business, Politics, Entertainment, Sports and Goa latest news in Marathi on Dainik Gomantak. Get Goa news live updates on the Dainik Gomantak Mobile app for Android and IOS.