थिवी: रेल्वेतून प्रवास करताना बऱ्याचवेळा साहित्य गहाळ होण्याची शक्यता आहे. वारंवार अशा अनेक घटना समोर आल्या आहेत. दरम्यान, गोव्यातून एक अशीच घटना समोर आली असून, हरवलेले तीन लाख किंमतीचे दागिने आणि वीस हजारांची रोकड रेल्वे पोलिसांनी प्रवाशाला परत केलीय.

मिळालेल्या माहितीनुसार, थिवी रेल्वे स्थानकावर एका प्रवाशाची दागिने आणि पैसे असलली बॅग गहाळ झाली. प्रवाशांना बॅग गहाळ झाल्याची तक्रार रेल्वे पोलिसांकडे तक्रार दाखल केली. पोलिसांनी तात्काळ घटनेची दखल घेऊन शोध घेतला असता प्रवाशाची बॅग मिळाली आहे. या बॅगमध्ये तीन लाख रुपये किंमतीचे मंगळसूत्र आणि वीस हजार रुपयांची रोकड होती.

रेल्वे पोलिसांमुळे प्रवाशाला बॅग आणि बॅगतील किमती दागिने परत मिळण्यास मदत झाली. पोलिसांकडून तातडीने मिळालेल्या मदतीबद्दल प्रवाशाने रेल्वे पोलिसांचे आभार मानले आहेत.