Olive Ridley Eggs in Goa

काणकोण: आगोंद किनाऱ्यावर डिसेंबर महिन्याच्या शेवटच्या आठवड्यात दोन ऑलिव्ह रिडले कासवांनी १७२ अंडी घातली. मात्र, अद्याप गालजीबाग किनाऱ्यावर सागरी कासवाचे आगमन झालेले नाही.

काणकोणात संपूर्ण गालजीबाग किनारा व आगोंद किनाऱ्याचा काही भाग हा सागरी कासवांसाठी आरक्षित आहे. आगोंद किनारा पर्यटन व्यवसायाने गजबजलेला असूनही या किनाऱ्यावर सर्वाधिक सागरी कासवांचे आगमन होते. २८ डिसेंबरला पहिल्यांदा ऑलिव्ह रिडले कासवाचे आगमन होऊन त्याने ६५ अंडी घातली. २९ डिसेंबरला दुसऱ्या सागरी कासवाचे आगमन झाले. त्याने १६५ अंडी घातली. साधारणपणे ऑक्टोबर महिन्यापासून सागरी कासवांचे आगमन अंडी घालण्यासाठी किनाऱ्यावर होते. ते काही वेळा हे महिन्यापर्यंत सुरू असते.

गालजीबाग येथे ४३ सागरी कासवांनी ४,१९२ अंडी घातली होती. त्यापैकी ३,३५१ अंड्यांमधून पिल्ले बाहेर आली, तर ४४८ अंडी नासली. २१९ पिल्ले मृत पावली. आगोंद किनाऱ्यावर १८१ सागरी कासवांनी १७,४०६ अंडी घातली होती. त्यापैकी ९,४७३ अंड्यांतून पिल्ले बाहेर आली. ६,५४० अंड्यांतून पिल्ले बाहेर आलीच नाहीत. ९१३ पिल्ले मरण पावली.

शिवाय अन्यत्र ७ सागरी कासवांनी ५८५ अंडी घातली. त्यापैकी ४२९ अंड्यांतून पिल्ले बाहेर आली. ११८ अंडी नासली, तर ३८ पिल्लांना समुद्रात सोडण्यापूर्वीच मरण आले. राज्यात मोरजी, आगोंद आणि गालजीबाग येथे सागरी कासव संवर्धन केंद्रे आहेत.