NSDC Job Fair In Goa: राष्ट्रीय कौशल्य विकास महामंडळाच्या वतीने गोव्यात आंतरराष्ट्रीय कौशल महोत्सव जॉब फेअर आयोजित केला जाणार आहे. या जॉब फेअरमध्ये फ्रेशर्स आणि अनुभवी उमेदवारांना सहभागी होता येणार आहे. जॉब फेअरमध्ये सहभागी होण्यासाठी पूर्वनोंदणी सुरू झाली आहे.

जॉब फेअरच्या माध्यामातून तरूणांना परदेशात नोकरी करण्याची देखील संधी मिळणार आहे. यासाठी मोफत नोंदणी सुरू झाली असून, त्याची मुदत देखील वाढविण्यात आली आहे.

विविध क्षेत्रात नोकरीची संधी शोधणाऱ्या फ्रेशर्स आणि अनुभवी उमेदवारांसाठी राष्ट्रीय कौशल्य विकास महामंडळाच्या वतीने विविध राज्यात जॉब फेअर आयोजित केले जातात. राष्ट्रीय कौशल्य विकास महामंडळाच्या (NSDC) (kaushalmahotsav.nsdcdigital.org) या संकेतस्थळावर जॉब फेअरसाठी मोफत नोंदणी करता येईल.

नोंदणीसाठी मुदत वाढवली

जॉब फेअरसाठी उमेदवारांना 09 एप्रिलपर्यंत मोफत नोंदणी करता येणार होती. दरम्यान यासाठी मुदत वाढवली असून, आता 16 एप्रिलपर्यंत मोफत नोंदणी करता येईल.

नॅशनल स्किल डेव्हलपमेंट कॉर्पोरेशन (NSDC) इंटरनॅशनल, लॅमरिन टेक स्किल युनिव्हर्सिटी, (LTSU) पंजाब यांच्या सहकार्याने कौशल्य विकास आणि उद्योजकता मंत्रालयाच्या मार्गदर्शनाखाली अशा प्रकारचा पहिला आंतरराष्ट्रीय कौशल महोत्सव (नोकरी मेळा) दोन्ही पद्धतीने (ऑनलाइन आणि ऑफलाइन)) आयोजित करत आहे.

गोवा राज्यासह देशभरातील विविध केंद्रांवर परदेशात नोकरी करण्यास उत्सुक असलेल्या उमेदवारांसाठी. नोकरी मेळा सर्व उमेदवारांसाठी शैक्षणिक पात्रता विचारात न घेता खुला असणार आहे. त्यामुळे अधिकाधिक उमेदवारांनी या जॉब फेअरमध्ये सहभागी व्हावे असे आवाहन करण्यात आले आहे.